Gibutyag ni US President Donald Trump niadtong milabay’ng adlaw, nga ang mga lider sa Cambodia ug Thailand nagka-uyon nga magkita dayon aron dali nga mabuhat ang usa ka ceasefire, samtang nagtinguha siya nga magpabilin ang kalinaw pagkahuman sa pipila ka adlaw nga away sa ilang utlanan.
Si Phumtham Wechayachai, acting prime minister sa Thailand nagpasalamat kang Trump ug miingon nga ang Thailand miuyon sa prinsipyo nga adunay mahitabong ceasefire apan gatinguha sila nga makakita sa sinsero nga intensyon gikan sa bahin sa Cambodian.
Gihangyo usab ni Phumtham kang Trump nga ipahibalo sa Cambodia nga gusto sa Thailand nga magpahigayon og usa ka dayalogo sa labing dali nga panahon aron mahatagan ang mga lakang ug pamaagi alang sa kalinaw.
Miingon sab ang Thailand nga pito ka sundalo ug 13 ka sibilyan ang napatay, samtang ang Cambodia miingon nga lima ka sundalo ug walo ka sibilyan ang napatay.
photo:breaking.com
