Giangkon ni Baron Geisler nga kaniadto siya migamit og ilegal nga drugas sulod sa iyang station network, sa wala pa siya mopasundayag sa programa sa ASAP, atol sa kataas sa iyang karera isip kabahin sa βTabing Ilogβ ug sa dance trio nga βThe Koolits.β
Sa usa ka interbyu ni Luchi Cruz-Valdes nga gipaambit sa YouTube niadtong Hulyo 24, ang aktor mibalik sa iyang ngitngit nga kagahapon ug sa unsang paagi kini nagdala kaniya sa pagkaadik.
Matod ni Baron, nagsugod siya sa paggamit og droga ug pag-inom og ilimnong makahubog sa bata pa nga edad nga 12 ngadto sa 14, ug sa edad nga 14 migamit na siya og mga hard drugs sama sa meth. Gipadayag usab niya nga kulang siya sa emosyonal nga koneksyon sa iyang mga ginikanan, ug kini giubanan sa estrikto ug grabe nga pagdisiplina.
Gipaambit usab niya ang ubang lisud nga mga kasinatian sama sa pagkabilanggo, pagbalik sa bisyo human mamatay ang iyang inahan, ug pagpalit og P1 milyon nga cocaine. Sa kataposan, nangayo siyag tabang sa iyang mga igsuon aron makasulod sa rehabilitasyon.
Giklaro usab niya nga pipila sa mga kontrobersiya nga iyang nalambigitan human sa rehab kabahin lang sa social experiment aron pagmaniobra sa sistema.
Author:Jhon Flores
Photo Credit:philstar.com
