ILIGAN CITY- Arestado ang usa ka lalaki sa personahe sa Iligan City Police Station 4 sa may alas 4:50 sa hapon niadtong nakalabay’ng adlaw sa Purok Mangga, Barangay Tubod, Iligan City. Human miadto sa presinto ang usa ka walk‑in complainant ug misumbong nga ang iyang igsoong lalaki nagpakita ug bayolenteng kina-iya ngadto sa panimalay sa ilang inahan ug nanghulga nga patyon niya gamit ang usa ka kitchen knife.
Human sa sumbong dali nga mihimo ug aksyon ang kapolisan ubos sa pagpanguna ni PCPT Michael Angelo C, Roldan ang Officer Incharge sa Police Station 4. Paghidangat nila sa lugar gidakop dayon ang suspek ug gikompiska nga gihuptan niini nga kotsilyo isip ebidensya sa krimen. Base sa report sa Police Station 4 giila ang suspek nga 33 anyos, ug residente sa Prk Mangga Zone 2, Brgy. Tubod, Iligan City.
Sa inisyal nga imbestigasyon, nahibaloan nga ang nahitabo samtang ang complainant nagbisita sa balay sa ilang inahan diin anaa usab ang suspetsado. Usa ka init nga panaglalis ang nahitabo tali kanila diin misangpot sa pagkuha ug kutsilyo sa suspetsado ug gigamit aron hulgaon ang complainant.
Sa pagkakaron ang arestadong suspek padayong gikustodiya sa Iligan City Police Station 4 samtang gihikay ang tukmang dokumentasyon ug disposasyon batok kaniya.
Source: Iligan City Police Station 4
