MALAYBALAY CITY- Patay na nga nakaplagan ang usa ka lalaki human kini gituohang nagpakamatay mga alas 6:40 sa buntag niadtong nakalabay nga adlaw sa Tigbao San Jose Libona. Nailhan ang biktima si alyas “Rey” 41 anyos, minyo, truck driver ug residente sa nahisgutang lugar.
Sumala pa sa libona PNP, nakita sa ugangan ang biktima nga nagbitay na sa balcony nga bahin sa ilang balay kinsa nasayran nga dako ang problema human nga wala na silay tarong relasyon sa iyang asawa nga atua sa abroad.
Nakita usab base sa mga mensahe sa messenger gikan sa cellphone sa biktima nga nananghid na kini ug nagpasalamat sa iyang asawa ug miingong magpakamatay nalang.
Sa pagkakaron gipahiluna na sa kabanay ang patayng lawas, samtang gideklara ang kapulisan nga wala silay nakita nga foul play sa maong panghitabo.
Via: Libona Municipal Police Station
