NABUNTURAN- Na-rescue sa mga otoridad niadtong Hulyo 22, 2025, ang 12-anyos nga dalagita nga si alyas “Sherlyn” human kini masuta nga miuban sa iyang uyab sa Barangay Kingking, Pantukan, Davao de Oro.
Gikataho nga nawala ang maong menor de edad pasado alas 9:00 sa buntag niadtong Domingo, Hulyo 20. Siya usa ka lumolupyo sa Barangay Bagungon, Compostela.
Pinaagi sa paspas nga aksyon sa Compostela Municipal Police Station ug sa tabang sa mga concernadong lungsuranon, dayon nga nasubay ang lokasyon sa dalagita.
Karon, anaa na kini ilalom sa kustodiya sa Municipal Social Welfare and Development Office (MSWDO) alang sa hustong pag-atiman ug imbestigasyon.
ctto: COMPOSTELA MPS
