Nagpahibalo ang administrasyon ni Presidente Donald Trump ang pagkunhod sa mga pwersa sa militar sa Los Angeles, ngadto sa 2,000 ka National Guard.
Ang maong lakang kabahin sa pagpausbaw sa mga operasyon human sa grabeng pagsaway ug mga protesta batok sa kaylap nga raid sa imigrasyon sa federal nga gobyerno.
Kahinumduman nga unang gipakatap niadtong Hunyo ang National Guard aron sumpuon ang mga protesta batok sa operasyon sa ICE (Immigration and Customs Enforcement), nga nagpahigayon og mass arrest sa mga pampublikong lugar.
Moabot sa 4,000 ka National Guard ug 700 ang gipadala sa siyudad, bisan pa sa pagsupak ni Los Angeles Mayor Karen Bass ug California Governor Gavin Newsom.
Ang Pentagon nag-ingon nga ang kagubot mihinay ug kini nagtugot sa 2,000 ka tropa nga makabalik. Hinuon, ang nahibiling 2,000 ka National Guard ug 700 ka Marines magpabilin sa siyudad.
Gisaway sa mga lokal nga opisyal ug residente ang padayon nga presensya sa militar, nga nag-ingon nga kini nagpahinabog kahadlok ug tensiyon sa mga komunidad sa mga imigrante.
Sa miaging semana, gimando sa usa ka federal nga huwes ang pagtapos sa mga arbitraryong pag-aresto sa pito ka mga county sa California, lakip ang Los Angeles.
