PAGADIAN CITY- Nakabsan sa kinabuhi ang usa ka mag-uuma human kini gitigbas sa usa ka suspetsado nga natigayon sa Purok 2, Barangay Dulian, Dumingag, Zamboanga del Sur, gabie sa Hulyo 14, 2025.
Ang biktima usa ka 23 anyos, samtang ang suspetsado naila sa alyas nga โLitoโ, 45 anyos, lalaki, parehong residente sa nahisgutang lugar.
Sa inisyal nga imbestigasyon sa Dumingag Municipal Police Station, ang biktima naglingkod lang sa usa ka tindahan sa dapit nahitabuan, dihang kalit nga miduol ang suspetsado nga miresulta sa ilang panaglalis.
Gumikan sa panaglalis, mibiya sa makadyot ang suspetsado ug sa pagbalik niini may dala na kining sundang ug sa walay pagduha-duha nga mitigbas sa biktima sa makadaghang higayon. Nakaangkon ang biktima og samad sa nagkalain-laing parte sa kalawasan nga miresulta sa hinanaling kamatayon.
Human sa insidente, boluntaryo nga mitahan ang suspetsado sa iyang kaugalingon lakip na ang hinagiban nga gigamit sa kremin ngadto sa barangay officials nga karon anaa na sa Dumingag Municipal Police Station.
