Kadaghanan sa mga tawo, ang pagbiyahe padulong sa trabaho magsakay pinaagi sa tren, bus, jeep o awto. Apan alang kang Racheal Kaur, usa ka inahan sa Malaysia, ang ayroplano mao ang iyang adlaw-adlaw nga sakyan padulong sa trabahoan.
Siya molupad gikan sa Penang paingon sa Kuala Lumpur kada adlaw alang sa trabaho ug mopauli usab sa gabii aron makauban ang iyang mga anak.
Momata siya sa alas 4 sa buntag kay kinahanglang naa siya sa airport sa alas 5:00 ug adunay flight pagka alas 6:00. Pag-abot sa opisina sa 7:45 og magtrabaho na siya tibuok adlaw. Samtang sa wala pa ang alas 8:00 sa gabii, makauli na siya, og kauban na ang iyang pamilya.
Matod niya nga mas barato pa kini kay sa paggasto sa abang ug pagpalit pagkaon kong mag abang siya og balay duol sa trabahoan.
Tungod kay Assistant Manager siya sa Finance Department sa usa ka airline, naa siyay discount sa mga ticket sa eroplano. Ang naggasto niya kaniadto $474 kada bulan, apan mius-os kini ngadto sa $316.
Sa eroplano, duna siyay panahon sa pagbuhat sa mga butang sama sa pagpaminaw sa musika, pagpamalandong, ug paglingaw sa talan-awon.
Mas gusto usab niya nga naa sa opisina kaysa magtrabaho sa balay tungod kay mas produktibo siya kung anaa siya sa trabaho.
Magpadayon siya sa pagbuhat niining talagsaong rutina, pamatuod nga walay babag alang sa usa ka inahan kon bahin sa paghigugma sa iyang pamilya.
