𝗠𝗔𝗚-𝗔𝗦𝗔𝗪𝗔 𝗡𝗔𝗞𝗔𝗗𝗔𝗨𝗚 𝗦𝗔 𝗟𝗢𝗧𝗧𝗢 𝗠𝗜𝗦𝗠𝗢 𝗦𝗔 𝗜𝗟𝗔𝗡𝗚 𝗔𝗡𝗡𝗜𝗩𝗘𝗥𝗦𝗔𝗥𝗬

Wala nagdahom ang usa ka magtiayon sa Michigan nagsaulog sa ilang anibersaryo pinaagi sa pag-scratch sa usa ka tiket sa lottery nga magkauban, ug nakurat sila nga nakadaog og $2 milyon.

Sumala sa 44-anyos nga babaye gikan sa Oakland County, ang ilang adlaw nagsugod pinaagi sa pagpalit sa usa ka Diamonds & Gold scratch-off ticket gikan sa Opdyke Featherstone Mobil sa Auburn Hills. Siya ug ang iyang bana dako nga mga fans sa lain-laing mga scratch-off nga mga dula, ilabi na sa Diamonds & Gold.

Sa dihang nakita sa iyang bana ang $2 milyones nga premyo, ila dayon kining gidala sa tindahan aron ipasusi. Usa ka mensahe ang niabot nga nag-ingon nga ang mga daog kinahanglang i-claim sa lottery office, mao nga duna silay higala nga nag-verify niini gamit ang lottery app.

Sa dihang napamatud-an na ang kantidad, wala sila makatuo nga daw damgo ang tanan apan tinuod diay. Nagplano sila nga mopalit ug balay, puhonan, ug magtigom para sa edukasyon sa ilang mga anak.