Nanawagan ang Presidente sa Ukraine nga si Volodymyr Zelensky sa mga kaalyado nga nasud sa pagtabang kanila sa pagpalig-on sa ilang air-defense.
Atol sa iyang pagtambong sa Komperensya sa Roma, ang Presidente sa Ukraine adunay higayon nga makigkita sa daghang mga lider. Ug gihimo niya ang pag video call sa halos 30 ka nasod nga iyang gitawag og “Coalition of the Willing”.
Gipasiugda ni Zelensky nga ang tabang nga mahatag sa mga nasud hinungdanon, labi na nga ang Russia wala mohunong sa air strike nga milungtad na sa kapin tulo ka tuig nga gubat. Gihangyo usab niya ang European Union nga ipatuman dayon ang mga silot batok sa Russia.
Ang United Kingdom misaad nga magsuplay og kapin sa 5,000 ka air defense missiles sa Ukraine ug kapin sa $384 milyones nga tabang medikal ug pagkaon. Kini ang ikaupat nga miting, nga karon gidumala sa Punong Ministro sa Italya nga si Giorgia Meloni.
