𝐌𝐀𝐍𝐀𝐍𝐀𝐆𝐀𝐓 𝐍𝐆𝐀 𝐒𝐔𝐒𝐏𝐄𝐊 𝐒𝐀 𝐏𝐀𝐆𝐏𝐀𝐍𝐆𝐋𝐔𝐆𝐎𝐒, 𝐍𝐀𝐒𝐈𝐊𝐎𝐏

SURIGAO CITY- Nasikop sa mga personahe sa Bacuag Municipal Police Station ang usa ka suspek nga gipasakaan og kasong pagpanglugos, sa Purok Lapu-Lapu, Barangay Poblacion, lungsod sa Bacuag Surigao del Norte,Hulyo 10, 2025.

Si PCOL WARREN E DABLO, Provincial Director sa Surigao del Norte Police Provincial Office, niila sa suspek nga usa ka 39-anyos nga ulitawo nga mananagat nga taga Barangay Poblacion, Bacuag, sa nahisgutang probinsya.

Sumala sa imbestigasyon, ang biktima usa ka 27-anyos nga babaye gilugos samtang natulog sa iyang pinuy-anan mga alas 3:00 sa kaadlawon. Nakurat siya dihang diha na sa ibabaw niya ang suspek ug gihulga kini nga patyon gamit ang kutsilyo.

Daling girespondihan sa kapulisan ang hitabo hinungdan nga nasikop ang suspek mga alas 7:55 sa buntag Hulyo 10,ning kasamtangan nga tuig sa nahisgutang lungsod.

Ang dinakpan anaa na karon sa nakakustodiya sa Bacuag Municipal Police Station alang sa tukmang disposasyon.