Gihimakak sa China ang mga alegasyon nga migamit kini og laser sa usa ka German nga warplane. Sumala sa Germany, nagpahigayon lamang sila og mga operasyon nga gipangulohan sa European Union aron mapanalipdan ang mga barko sa red sea gikan sa mga pag-atake sa mga rebeldeng Houthi sa dihang naigo sila sa laser gikan sa barko sa China.
Tungod sa insidente, gipatawag sa German foreign ministry ang Chinese ambassador ug bisan ang ambassador sa China sa EU gipatawag usab. Ang barkong iggugubat sa China nakit-an sa Germany sa makadaghang higayon diin mipaduol pa sa eroplano.
Ang German nga fighter plane napugos sa pagbalik sa base militar sa nasud sa East Africa pagkahuman sa insidente. Ang tigpamaba sa palisiya sa EU nga si Anouar El Anouni nag-ingon nga ang mga aksyon sa China labi ka makapabalaka.
