Gilauman nga posibleng makasinati og kakulangan sa supply sa karne sa baboy ang Pilipinas sa unang tulo ka bulan sa 2027 tungod sa 60-day import ban nga ipatuman sa gobyerno.
Sumala sa US Department of Agriculture (USDA), mas mabati ang epekto niini gikan sa ulahing bahin sa Enero hangtod sa sayong bahin sa Marso sa sunod tuig. Gilauman nga mokunhod pag-ayo ang mga shipment sa imported pork kumpara sa susamang panahon sa 2025 ug 2026.
Gipahamtang sa Department of Agriculture ang 60-day import ban aron mapanalipdan ang lokal nga mga mag-uuma og baboy human moubos ang farm-gate prices tungod sa pagdagsa sa imported pork.
Magsugod ang pagpatuman sa import ban sa Nobyembre 26, gawas kung mas sayo kining ipatuman sa Bureau of Customs.










