Gipakusgan sa Malapatan Municipal Police Station ang kampanya batok sa mga sakyanan nga naggamit og open muffler sa nagkadaiyang bahin sa lungsod sa Malapatan, Sarangani Province.
Ubos sa pagpangulo ni PMAJ Lhecar T. Tuyogon, Chief of Police, nagpadayon ang kapulisan sa pagpahigayon og mga checkpoint ug mobile patrol aron masuta ang mga motorista nga wala mosunod sa balaod.
Gipunting sa maong kampanya ang mga motorsiklo ug uban pang sakyanan nga naggamit og giusab nga tambutso nga makapahinabo og sobra nga kasaba sa palibot.
Tumong sa kapulisan nga mapadayon ang kalinaw, kahapsay ug kahilom sa mga komunidad, ilabi na sa mga lugar nga kanunayng maapektuhan sa saba nga mga sakyanan.
Nanawagan usab ang Malapatan PNP sa tanang tag-iya ug drayber sa mga sakyanan nga motuman sa balaod ug mogamit lamang og saktong tambutso aron malikayan ang pagsamok sa ubang lumulupyo.
Photo courtesy: Malapatan PNP










