Naglunsad ug bag-ong aplikasyon ang Department of Education (DEPED) nga gigamitan og Artificial Intelligence (AI) aron mas sayong mailhan ang mga batang Grade 2 nga posibleng adunay kalisod sa pagkat-on ug komunikasyon.
Gitawag kini og Project SABAY, nga makahimo sa screening sulod lamang sa 15 minutos, mas paspas kumpara sa naandang assessment nga mokabat og duha ka oras matag estudyante.
Pinaagi sa interactive nga mga buluhaton sama sa pagngalan sa hulagway, paglitok ug pagsulat sa mga pulong, matino kung kinsa ang posibleng nagkinahanglan og dugang tabang.
Matud ni Education Secretary Sonny Angara, makatabang kini sa mga magtutudlo nga mas sayong mailhan ang panginahanglan sa mga bata ug mahatagan sila og tukmang interbensyon.
Sa pagkakaron, gisugdan na ang pilot testing niini sa National Capital Region, samtang nagpadayon ang pagkolekta og datos sa Visayas ug Mindanao.
Photo courtesy: instagram










