Gipadayag ni Surigao del Norte Governor Robert Lyndon S. Barbers, ang kinasingkasing nga pahasubo sa pamilyang Bernal, human sa kalit nga pagtaliwan ni Provincial Board Member Atty. Victor “Totoy” F. Bernal.
Gihulagway ni Governor Barbers, si Atty. Bernal isip haligi sa Sangguniang Panlalawigan sa tibuok probinsya tungod sa iyang mga dekada nga matinud-anong pagserbisyo sa publiko.
Gipasiugda usab ang iyang dedikasyon, maayong pagpangulo ug mga dakong kontribusyon nga nahimong bahin sa kinabuhi sa daghang katawhan nga iyang natabangan ug naalagaran.
Bisan wala na si Atty. Victor “Totoy” Bernal, magpabilin sa panumduman sa katawhan ang iyang mga nahimong kabilin sa pag serbisyo publiko.
Photo courtesy: Gov. Lyndon Barbers










