Nadakpan sang kapulisan ang isa ka wanted person nga nagaatubang sang tatlo ka kaso nga Qualified Theft sa ginpatigayon nga manhunt operation sa Purok Laurel, Barangay Poblacion, Bagumbayan, Sultan Kudarat, sang Nobyembre 16, 2026.
Ginkilala ang arestado sa alyas nga “Don Don”, 28-anyos, isa ka laborer kag residente sang Barangay Bai Saripinang sa nasambit nga banwa.
Ginpatigayon ang operasyon sang Bagumbayan Municipal Police Station, kaupod ang 2nd Sultan Kudarat Provincial Mobile Force Company, pinaagi sa warrant of arrest nga gin-isyu sang korte sang Oktubre 16. Samtang, may yara sang ginarekomendar nga piyansa nga P12,000.00 sa kada kaso, ukon kabug-usan nga P36,000.00.
Sa pagkakaron, yara na sa kustodiya sang Bagumbayan Police ang suspek para sa dugang nga legal nga proseso.
Photo courtesy: PNP Police Regional Office 12










