Temporaryong mipasilong sa Barangay Mankilam Gymnasium ang mga residente nga naapektuhan sa nahitabong sunog sa Purok Tadena, Barangay Mankilam, Tagum City niadtong Nobyembre 17, 2026.
Sumala ni Brgy. Kapitan Marlon O. Rio, nausa sa maong gym ang dul-an 50 ka mga pamilya o kapin 220 ka mga indibidwal kinsa mihikling human naabo ang mga pinuy-anan ug sagad walay nasalbar nga mga gamit. Niining kasamtangan, naghulat pa ang mga biktima sa sunod nga mga lakang sa lokal nga panggamhanan kinsa nagpahigayon pa og panagpulong alang sa ilang kahimtang.
Samtang sayu sa buntag Nobyembre 18, miabot ang mga pasiunang tabang gikan sa probinsyal nga panggamhanan pinaagi sa Provincial Social Welfare and Development Office (PSWDO) kinsa naghatod sa ilang init nga pamahaw ug uban pang mga batakang panginahanglan.
Nagpadayon usab ang koordinasyon tali sa barangay ug LGU Tagum alang sa mga musunod nga assessment aron mahan-ay ang paghatag og suporta sa mga apektadong residente.










