Nadakpan sa kapulisan ang Top 9 Most Wanted Person sa provincial level atol sa intelligence-driven police operation sa alas-9:00 sa buntag, Nobyembre 18, 2026, sa Purok Sto. Niño, Barangay Bongtud, Tandag City, Surigao del Sur. Giila ang nadakpan sa alyas nga “Juls,” 42-anyos, usa ka mangingisda ug residente sa Barangay Rosario, Tandag City.
Gipahigayon ang operasyon sa mga personahe sa Tandag Component City Police Station (Tandag CCPS) ubos sa superbisyon ni PLTCOL Junyd D. Marohom, Acting Chief of Police.
Gidakop ang suspek pinaagi sa warrant of arrest tungod sa kasong Acts of Lasciviousness, kalabot sa Article 336 sa Revised Penal Code ug Section 5(b) sa Republic Act No. 7610. Ang kaso adunay docket number nga Criminal Case No. 10178-26-FC, nga gitakdang P108,000 ang piyansa.
Human sa pagdakop, gidala ang suspek sa Tandag CCPS alang sa booking, medical examination ug hustong dokumentasyon, sa dili pa ibalik ang warrant ngadto sa korte nga nagpagula niini.
Photo courtesy: PNP Tandag City Police Station










