Nadakpan sa hiniusang operasyon sa kapulisan ang Top 7 Provincial Most Wanted Person sa alas-3:40 sa hapon niadtong Nobyembre 17, 2026, sa Purok 6, Barangay Bayugan 3, lungsod sa Rosario, Agusan del Sur.
Giila ang nadakpan sa alyas nga “Jik-Jik,” 31 anyos, nga nag-atubang og mga kaso kalabot sa paglapas sa Sections 5 ug 11 sa Republic Act No. 9165 o Comprehensive Dangerous Drugs Act of 2002.
Gipangulohan ang operasyon sa Tracker Team sa 2nd Agusan del Sur Provincial Mobile Force Company, kauban ang Rosario Municipal Police Station, Provincial Intelligence Team, Regional Intelligence Unit 13, City Intelligence Team sa Davao City ug Bajada Police Station 18 sa Davao City Police Office.
Gipatuman ang pagdakop pinaagi sa mga warrant of arrest nga gipagawas sa Regional Trial Court Branch 15 sa Davao City, nga walay girekomendar nga piyansa.
Human sa pagdakop, gipahibalo sa suspek ang iyang mga katungod subay sa Miranda Doctrine ug Anti-Torture Warning. Sa pagkakaron, anaa na siya sa kustodiya sa Rosario Municipal Police Station alang sa hustong dokumentasyon ug dugang nga disposisyon.
Photo courtesy: SecondAgusandelsur Pmfc










