Ginkilala ang Unit II nga nagarepresentar sa Isulan kag Esperanza bilang Overall Champion sa Sultan Kudarat Athletic Association ukon SKAA Meet 2026 nga nagtapos pinaagi sa Closing Program kag Awarding Ceremony sa Provincial Capitol, Isulan, sang Nobyembre 16, 2026.
Nakuha man sang delegasyon ang kampeonato sa Most Disciplined Delegation kag Most Neat, Clean and Organized Billeting Quarters, samtang ikaduha naman sa Best in Saludo.
Sa iya mensahe, ginpasidunggan ni Assistant Schools Division Superintendent Mohalidin M. Suaeb ang dedikasyon sang mga atleta, coaches kag mga manunudlo nga nangin kabahin sang palaro.
Gintapos ang aktibidad pinaagi sa seremonyal nga pagpauntat sang sulo bilang simbolo sang pagtakop sang kompetisyon. Ginpasalamatan man sang Unit II ang suporta sang mga school heads, sports coordinators, ginikanan kag mga manunudlo nga nagbulig agud makab-ot ang kadalag-an.
Photo courtesy: Gov. Datu Pax Ali S. Mangudadatu










