Naghatag sang dungog sa Sultan Kudarat State University ukon SKSU ang isa ka graduate sini matapos makilala bilang isa sa mga Regional Finalists sang ika-59 nga Search for the Ten Outstanding Students of the Philippines ukon TOSP sa Region 12.
Ginkilala si Remark P. Subong, graduate sang Bachelor of Secondary Education major in English sa SKSU-ACCESS Campus, bangud sang iya kahusayan sa akademiko, pagpangulo kag aktibo nga pagpakigbahin sa komunidad.
Sa nasambit nga okasyon, nakabaton ang SKSU sang institutional recognition nga ginbaton ni Dr. Adonis S. Besa, direktor sang Office of Student Affairs and Services, sa ngalan sang University President nga si Atty. Cyrus E. Torreña.
Ginakalipay sang unibersidad ang pagkilala kay Subong nga nagadala sang dungog sa ACCESS Campus kag sa bug-os nga komunidad sang SKSU.
Sa pagkakaron, konektado si Subong sa Juander Radyo Tacurong, nga dugang nga nagapakita sang iya pagpalapad sang kahigayunan sa komunikasyon kag pagserbisyo sa publiko.
Photo courtesy: Sultan Kudarat State University










