Nagpartisipar ang Sultan Kudarat Police Provincial Office ukon SKPPO sa 2nd Semester Proactive Inspection nga ginpatigyaon sa Camp Colonel Amando M. Dumlao, Sr., sa Isulan, Sultan Kudarat, sang Nobyembre 16, 2026.
Gintuytuyan ang aktibidad sang Sultan Kudarat Provincial Internal Affairs Service ukon SKPIAS, sa pagpanguna ni PMAJ Reuben L. Ronquillo. Gin-usisa sa inspeksyon ang disiplina sang mga personnel, insakto nga pagsuksok sang uniporme suno sa Tamang Bihis Policy, personnel accounting, kag kondisyon sang mga kagamitan nga gin-isyu sang Philippine National Police.
Lakip sa gin-inspeksyon ang PNP payroll ATM cards, mga armas, SAR Box equipment kag mga patrol vehicle. Ang aktibidad may tumong sa pagpalig-on sang propesyonalismo, accountability, disiplina kag operational readiness sang mga pulis agud masiguro ang ila padayon nga pagtuman sa mga sumbanan kag prinsipyo sang organisasyon.
Photo courtesy: PNP Sultan Kudarat Police Provincial Office










