Arestado ang isa ka 32-anyos nga lalaki matapos madakpan sa buy-bust operation sang kapulisan sa Purok 3, Barangay Guiamalia, Esperanza, Sultan Kudarat, pasado alas 7:28 sang gab-i, Nobyembre 16, 2026. Ginkilala ang suspek sa alyas nga “Brahim,” isa ka drayber kag residente sang Talitay, Maguindanao del Norte.
Narekober sa iya pagpanag-iya ang ginapatihan nga ilegal nga droga nga may balor nga P41,480.00. Ginpatigayon ang operasyon sang Esperanza Municipal Police Station, kaupod ang nagkalain-lain nga police units sa probinsya.
Natalana nga pasakaan ang suspek sang kaso sa paglapas sa Sections 5 kag 11 sang Republic Act 9165 ukon Comprehensive Dangerous Drugs Act of 2002.
Sa pagkakaron, yara na ang suspek sa kustodiya sang Esperanza Municipal Police Station, samtang ginpaidalom sa laboratory examination ang mga nakumpiskar nga ebidensiya.










