Gipalig-on sa Police Regional Office 11 ang ilang koordinasyon ug panaghiusa tali sa mga eskwelahan ug mga pamilya aron mapanalipdan ang mga kabatan-onan batok sa bullying ug uban pang posibleng hulga sa kaluwasan.
Gipasiugda sa kapulisan nga ang pagmugna og luwas ug malinawon nga palibot sulod sa mga eskwelahan dili lamang responsibilidad sa mga magtutudlo ug school administrators, kondili nagkinahanglan usab kini sa aktibong pag-apil sa mga ginikanan, komunidad ug mga otoridad.
Samtang, giawhag ang mga ginikanan nga hatagan og igong pagtagad ang ilang mga anak ingon man magmatngon sa bisan unsang timailhan nga sila mahimong biktima o nalambigit sa bullying.
Tumong niini aron nga mapugngan ang bullying ug masiguro nga ang matag estudyante makatuon sa usa ka luwas, malinawon ug walay kahadlok nga palibot.
Photo courtesy: PRO 11










