Daling mihatag ug medikal nga tabang ang Barangay Disaster Risk Reduction and Management Committee kun BDRRMC Mintal ngadto sa duha ka indibidwal nga naapil sa usa ka disgrasya sa motorsiklo pasado alas 5:12 sa milabay nga hapon.
Sumala sa report, ang duha ka pasyente nakaangkon og nagkadaiyang mga garas sa lawas ug daling giatiman sa mga responder pinaagi sa paghatag ug medikal nga pagtagad.
Samtang, mibalibad usab sila nga dad-on sa laing pasilidad o lugar alang sa dugang nga medikal nga pag-atiman.
Sa pagkakaron anaa na sa luwas nga kahimtang ang duha ka biktima, samtang nagpahinumdom usab ang mga otoridad sa publiko nga kanunayng mag-amping ug musunod sa balaod trapiko aron malikayan ang susamang insidente.
Photo courtesy: BDRRMC Mintal










