Nakatakdang ipahigayon sa Kagamhanang Probinsiyal sa Zamboanga del Norte ang “Pasko sa Bag-ong ZANORTE 2026 – Holiday Glow: A Switch-On Ceremony” karong umaabot Nobyembre 20, 2026, adlawng Biyernes, sa Provincial Capitol Plaza, Dipolog City.
Kabahin sa kalihokan ang pagsiga sa mga dekorasyong pang-Pasko sulod sa Provincial Capitol Grounds nga maghatag og higayon sa mga residente nga masinati ang kalipay ug diwa sa kapaskuhan.
Alang sa maong kalihokan, temporaryong sirado ang General Luna Street, gikan sa Lapu-Lapu Street hangtod sa mga crossing sa Del Pilar Street ug Padre Ramon Street, sugod alas 3:00 sa hapon hangtod alas 9:00 sa gabii.
Samtang gihangyo ang mga motorista ug mga lumulupyo nga apektado sa maong traffic scheme nga mogamit sa alternatibong mga agianan aron malikayan ang kahuot sa trapiko ug masiguro ang kahapsay sa kalihokan.
Gidapit ang mga residente ug bisita nga motambong sa maong selebrasyon aron dungan nga sugaton ang Pasko nga puno sa paglaum, panaghiusa ug panag-uban.
𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲: 𝐙𝐚𝐦𝐛𝐨𝐚𝐧𝐠𝐚 𝐝𝐞𝐥 𝐍𝐨𝐫𝐭𝐞 𝐏𝐫𝐨𝐯𝐢𝐧𝐜𝐢𝐚𝐥 𝐍𝐞𝐰𝐬 𝐍𝐞𝐭𝐰𝐨𝐫𝐤










