Nangayo og tabang sa publiko ang pamilya ni Rosellier Gantiao, taga-Barangay Meses, Manukan, Zamboanga del Norte human kini milakaw nga wala magpahibalo sa iyang pamilya ug hangtod karon wala pa makapauli.
Sumala sa pahibalo sa pamilya, dako na ang ilang kabalaka sa kahimtang ni Rosellier ug nanghinaot sila nga adunay makahatag og impormasyon kon asa kini makita. Giawhag ang publiko nga mopahibalo dayon kon adunay nakakita o nakabantay kaniya.
Mahimong kontakon ang iyang igsoon nga si Anabelle Gantiao Tabat sa numerong 0905 573 1428. Mahimo usab motawag o mo-text sa hotline numbers nga 0917 105 8601 ug 0998 598 6782.
Nanghinaot ang iyang pamilya nga dali siyang makit-an ug makapauli nga luwas. Gihangyo usab ang publiko nga e share ang pahibalo aron mas daghan ang maabot ug makatabang sa pagpangita kang Rosellier.










