Giawhag ang mga pamilya ug kabanay sa mga namatay nga gilubong sa Old Grave Site sulod sa propiedad sa Hijo Resources Corporation o HRC, duol sa Nabintad River, ning dakbayan sa Tagum nga motambong sa usa ka public hearing ug consultation kalabot sa planong exhumation activity. Gikatakda ang maong konsultasyon karong Huwebes, Nobyembre 19, 2026, alas-8 sa buntag, sa Barangay Madaum Social Hall sa Tagum City.
Tumong sa maong kalihokan nga mahatagan og tukmang kasayuran ang mga pamilya bahin sa proseso ug mga lakang nga pagahimuon sa exhumation activity, ingon man matubag ang ilang mga pangutana ug kabalaka.
Gipasiugda sa mga nag-organisa ang kamahinungdanon sa pagtambong sa mga hingtungdang pamilya aron masabtan ug maklaro ang tanang detalye kalabot sa maong kalihokan. Alang sa dugang pangutana ug impormasyon, mahimong kontakon si City Economic Enterprises Manager Pocholo W. Melendres pinaagi sa 0977-826-2299, o si Public Services Foreman Francis D. Telafer sa 0927-318-9921.
Photo Courtesy: TCEEO










