Misalamot ang Department of Agrarian Reform (DAR) Davao del Norte kauban ang ubang kawani sa DAR Region XI sa pagpasundayag sa mga produkto sa Agrarian Reform Beneficiaries Organizations (ARBOs) atol sa Mindanao Trade Expo 2026 nga gipahigayon sa Glorietta, Makati City, niadtong Nobyembre 13 hangtod 15, 2026.
Girepresentahan ni Mark Joseph Marin ang Davao del Norte sa maong kalihokan nga nagtumong sa pagpromote sa lokal nga mga produkto sa mga benepisyaryong mag-uuma.
Pinaagi sa maong expo, gihatagan og kahigayonan ang mga ARBOs nga mapalapad ang ilang merkado, mapaila ang ilang mga produkto sa mas daghang mamalitay ug mapalambo ang malungtarong panginabuhian sa mga benepisyaryo sa repormang agraryo.
Photo Courtesy: DAR Davao del Norte










