Nanawagan og hustisya ang pamilya sa babaye nga gikataho nga gidagit sa iyang kanhing Turkish partner sa Siargao Island, human kini nakit-an ug maluwas, kini ang gipamahayag sa igsoon sa biktima nga si Louisa Vyll, tungod kay katulo na kini nga higayon nga gikulta ang iyang igsoon sa kanhing Turkish partner.
Gikalaro pa ni Miss Louisa nga niadto palang bulan sa hulyo, wala nay relasyon ang iyang igsoon ug ang Turkish national, apan mao kini mag sige og sunod-sunod kung asa ang iyang igsoon mo padulong, tungod sa giingong padayon nga pagpangulitawo ug pagpaniktik niini sa iyang igsoon.
Mas nakapukaw sa kasuko ug kabalaka sa pamilya ang ilang pagkahibalo nga ang unang kasong Violence Against Women and Their Children o VAWC nga ilang gisang-at batok sa maong langyaw giingong gibasura.
Tungod niini, nangayo ang pamilya og katin-awan sa pagdumala sa maong kaso ug nanawagan sa mga otoridad nga masiguro ang hustong pagpatuman sa balaod ug pagpanubag sa suspek sa mga alegasyon batok niini, hilabi nan ga adunay pag bahad abf maong langyaw nga iyang patyon ang biktima kung makagawas kin isa bilanggoan.
Nunot niini, hugot ang paglaum sa pamilya sa biktima nga makab-ot na karong higayona ang hustisya, ug mapanalipdan kini batok sa bisan unsang hulga sa iyang kaluwasan.
Alang sa pamilya, dili lamang ang pagkakaluwas sa biktima ang ilang gitinguha, kondili ang pagsiguro usab nga dili na mausab ang susamang insidente ug dili na mabutang sa peligro ang kinabuhi sa ilang kabanay.
Photo courtesy: Louisa Vyll










