Arestado ang usa ka 56 anyos nga lalaki nga namaligya sa drogang shabu atol sa gikasa nga buy-bust operation sa kapulisan sa pagpanguna sa Iligan City Police Station 4 (ICPPS4) Iligan City Mobile Force Company ug PDEA-10 sa may alas 9:10 sa gabii niadtong Nobyembre 16, 2026, sa Purok 5, Barangay Tambacan, Iligan City.
Giila ang suspek nga usa ka 56 anyos ug residente sa nasangpit nga lugar. Subay sa report sa kapulisan, nasakmit gikan sa suspek ang walo ka pakete sa gituohang shabu lakip niini ang usa ka sachet nga gigamit sa buy-bust transaction nga may gibana-banang gibug-aton nga 0.15 gramos, samtang ang laing pito ka sachet mitimbang og 2.39 gramos.
Gibana-banang mikabat sa 2.53 gramos ang kinatibuk-ang nakumpiskang gidudahang shabu, nga adunay standard drug price nga 17,204 pesos. Lakip sa nasakmit, ang tulo (3) ka 100-peso bill nga gigamit sa operasyon ug usa (1) ka gamay nga transparent plastic container.
Sa pagkakaron, ang nadakpang suspek anaa sa kustodiya sa ICPS4 alang sa dokumentasyon ug tukmang pagpasaka sa kaso kalabot sa ilegal nga droga.
Photo Courtesy: ICPS4










