Temporaryong sirad-an sa tanang matang sa sakyanan ang Ilag Bridge nga nahimutang sa Daang Maharlika Road, Liloan, Southern Leyte, sugod karong umaabot nga Biyernes, Nobyembre 20 ning tuiga.
Sumala sa Department of Public Works and Highways (DPWH) Eastern Visayas, ipatuman ang pagsira sa tulay gikan alas-9:00 hangtod alas-11:30 sa buntag, ug alas-1:00 hangtod alas-4:00 sa hapon.
Ang maong lakang kabahin sa pagbutang sa mga girder alang sa nagpadayong proyekto sa pagpalapad sa tulay. Gipasabot sa DPWH-8 nga magpabiling maagian ang tulay sa mga motorista gawas sa gitakdang mga oras sa temporaryong pagsira.
Nangayo usab og pagsabot ug kooperasyon ang DPWH-8 sa mga motorista alang sa posibleng kahasol nga maidulot sa maong kalihokan.
Photo courtesy: Wilson Uy










