Nasikop sa kapulisan ang usa ka giingong street-level drug personality atol sa buy-bust operation nga gihimo sa Barangay Poblacion, Lingig, Surigao del Sur niadtong Nobyembre 15, 2026.
Ang operasyon gipahigayon sa mga operatiba sa Lingig Municipal Police Station diin narekober gikan sa suspek ang mokabat sa 0.99 gramos nga gituohang shabu nga nagkantidad og P6,732, lakip ang buy-bust money ug uban pang ebidensya.
Giatubang sa suspek ang kasong paglapas sa Sections 5 ug 11, Article II sa Republic Act 9165 o Comprehensive Dangerous Drugs Act of 2002. Gidala ang nadakpan sa Lingig Municipal Police Station alang sa dokumentasyon ug pagpasaka sa tukmang kaso.
Photo courtesy: Lingig MPS










