Gipangita karon sa Philippine Coast Guard (PCG) ang usa ka 16-anyos nga lalaki nga gikatahoang nawala human milukso sa Alba River sa Barangay Alba, lungsod sa Tago, Surigao del Sur, pasado alas 10:00 sa gabii, Nobyembre 15, 2026.
Giila ang missing person nga si Bunly Lurce Corvea, residente sa maong barangay. Base sa pahibalo sa Coast Guard Station Surigao del Sur, ang batan-on nagsul-ob og puti nga karsones ug walay pang-ibabaw nga sinina sa dihang nawala.
Gipahimangnoan sa PCG ang tanang naglawig nga mga barko, gagmayng sakayan ug mga mananagat sa kadagatan duol sa Tago nga magmatngon ug motabang sa pagpangita sa batan-on.
Photo courtesy: PCG-SDS










