Nadakpan sa kapulisan ang usa ka wanted person atol sa pagserbisyo sa warrant of arrest alas 10:20 sa buntag, niadtong Nobyembre 13, 2026, sa Purok San Juan, Barangay Kablacan, lungsod sa Maasim, Sarangani Province.
Giila ang dinakpan sa alyas nga “Pans,” usa ka mangingisda ug residente sa maong barangay. Giatubang niini ang kasong may kalabotan sa gituohang paglapas sa COMELEC Liquor Ban, subay sa Omnibus Election Code ug COMELEC Resolution No. 10461.
Ang warrant of arrest gipagawas niadtong Marso 4, 2026, sa Municipal Trial Court sa Maasim, Sarangani Province, nga adunay gitakdang piyansang 12 mil pesos. Gipahibalo ang dinakpan sa hinungdan sa iyang pagdakop ug sa iyang mga katungod sa pinulongang Bisaya nga iyang nasabtan.
Sa pagkakaron, anaa na siya sa kustodiya sa Maasim Municipal Police Station alang sa hustong disposisyon.










