Gipasalig sa Aleosan Municipal Police Station ang pagsang-at og kaso batok sa tulo ka suspek nga giingong nalambigit sa pagpatay sa magsoon nga menor de edad sa Sitio Tubak, Barangay Pagangan, Aleosan, Cotabato.
Sumala kang Major Jennifer Amotan, hepe sa Aleosan MPS, nailhan na ang mga suspek pinaagi sa mga pahayag nga gihatag sa mga testigo nga nakasaksi sa maong krimen.
Nasayran nga grabeng samad pinusilan ang naangkon sa mga biktima nga giila lamang sa alyas nga “Mors,” 14-anyos, ug “Nor,” 9-anyos, samtang nagpauli sakay sa usa ka Bajaj motorcycle pasado alas-1:30 sa kaadlawon niadtong Nobyembre 10, 2026.
Samtang, hugot nga gibantayan sa mga personahe sa militar ang maong lugar aron masiguro ang kaluwasan ug seguridad sa mga residente.










