Giila nga Green Banner Seal of Compliance ang City Government of Iligan tungod sa ilang pagpatuman sa mga programa ug plano nga nagtumong sa pagpalambo sa kahimtang sa nutrisyon sa mga residente sa dakbayan.
Ang maong pasidungog nadawat sa LGU-Iligan atol sa 2026 Regional Nutrition Awarding Ceremony nga gipahigayon sa Limketkai Luxe Hotel, Cagayan de Oro City ning miaging semana.
Sumala sa LGU-Iligan, nakadawat og award ang syudad tungod sa pagpatuman sa 2026 City Nutrition Action Plan ubos sa paggiya sa functional City Nutrition Committee.
Padayon ang syudad sa koordinasyon sa nagkalain-laing ahensya aron masiguro ang hapsay nga pagpatuman sa mga programa ug serbisyo nga nagtumong sa pagpalig-on sa nutrisyon ug pag-atiman sa panglawas sa mga Iliganon.
Photo courtesy: LGU Iligan
