Nakadawat og pinansyal nga ayuda nga mokabat sa Tulo ka Libong Piso (₱3,000) matag usa ang 833 ka kwalipikadong solo parents gikan sa Districts 1 hangtod 6 sa dakbayan sa Ormoc atol sa gipahigayong Third Quarter Solo Parents Subsidy Distribution niadtong nakalabay nga adlaw.
Gipahigayon ang pag-apod-apod sa ayuda sa lobby sa Ormoc City Hall, diin mitambong si SP Member Caren Torres Rama, Chairperson sa Committee on Social Services, Population Development, and Vulnerable Sectors.
Tumong sa maong programa ang paghatag og pinansyal nga tabang sa mga kwalipikadong solo parents aron makatabang sa pag-atubang sa ilang adlaw-adlaw nga panginahanglan ug mga gastuhon sa pamilya.
Mitambong usab sa maong kalihokan si OIC-CSWD Maribel Gucela ug CSWD Solo Parent Coordinator alang sa Districts 1 hangtod 6 nga si Lory Florino.
Photo Courtesy: City Government of Ormoc
