Gipasiugdahan sa lokal nga panggamhanan sa Tarragona, ubos sa pagpanguna ni Mayor Art Benjie “Kaka” Bulaong, ang umaabot nga Musabaqah 2026 sa Ompao Madrasah pinaagi sa paghatag og ₱150,000 nga sponsorship aron masuportahan ang pagpahigayon sa maong kalihokan.
Gitumong ang maong tabang sa pagpalambo sa edukasyon, pagpreserbar sa kultura ug pagpalig-on sa relihiyosong pagtuo sa komunidad. Gipasiugda usab ni Mayor Bulaong ang kamahinungdanon sa pagsuporta sa mga kalihokan nga makatampo sa espirituwal nga pagtubo ug panaghiusa sa katawhan.
Kabahin kini sa padayong paningkamot sa LGU Tarragona nga hatagan og pagtagad ang nagkadaiyang programa nga nagpalambo sa kultura ug relihiyon, isip pag-ila sa ilang papel sa pagpalig-on sa panaghiusa ug kaayohan sa komunidad.
