Nasikop ang 13 ka suspek sa giingong Philippine Offshore Gaming Operator (POGO) atol sa operasyon sa kapulisan sa pagpanguna sa Iligan City Police Station 1 (ICPS1) kauban ang lain-laing Police Units nga nagsugod niadtong Oktubre 28 sa gabie ug hangtud sa Oktubre 29 sa kadlawon sa ALI Property Building, Purok 2B, Barangay Hinaplanon, Iligan City.
Subay sa report sa ICPS3, duha (2) ka lalaki ug 11 ka baye ang nadakpan diin ang usa (1) kanila gikan sa San Mateo, Rizal; tulo (3) gikan sa Cagayan de Oro City; usa (1) gikan sa Misamis Oriental; usa (1) gikan sa Lanao del Norte; ug ang pito (7) gikan sa Iligan City, ug pulos na legal ang mga edad.
Atol sa pagpangita sa upat ka lawak sa maong establisemento, nagkadaiyang computer equipment, electronic devices, kagamitan sa mga dula, ug uban pang butang ang narekober sa mga otoridad.
Sa Room 1, nasakmit ang tulo (3) ka N-Vision monitor, tulo (3) ka Acer monitor, usa ka Philips monitor, usa ka Logitech keyboard, tulo (3) ka A4Tech device, 13 ka CPU, upat (4) ka computer mouse, upat (4) ka modem, usa (1) ka TP-Link device, usa (1) ka Homi 8 splitter, duha (2) ka cellphone, usa (1) ka itom nga speaker, ug usa ka mikropono.
Sa Room 2, narekober ang lima (5) ka gaming table, lima (5) ka set sa baraha, upat(4) ka Eyoyo scanner, usa (1) ka Logic Owl scanner, tulo (3) ka Sony camera, tulo (3) ka N-Vision monitor, tulo (3) ka Acer monitor, ug unom (6) ka softbox light.
Samtang sa Room 3, nasakmit ang upat (4) ka Sony camera recorder, usa (4) ka Panasonic recorder, tulo k(3) a table game, duha (2) ka Redmi tablet, usa (1) ka Logic Owl card scanner, duha (2) ka Eyoyo card reader, tulo (3) ka N-Vision monitor, upat (4) ka Acer monitor, duha (2) ka deck sa baraha, unom (6) ka softbox light, usa (1) ka set sa kolor nga dice, ug usa (1) ka lamesa nga adunay nakakabit nga color game.
Sa Room 4, narekober usab ang duha (2) ka softbox light, duha ka monitor, usa ka color game board, usa ka set sa dice alang sa color game, ug usa (1) ka camera. Gibanabanang nikabat sa 12,000,000 pesos ang kinatibuk-ang kantidad sa mga nakumpiskang kagamitan.
Sa pagkakaron, anaa na sa kustodiya sa ICPS1 ang mga nadakpan alang sa dokumentasyon ug hustong disposisyon.
Photo Courtesy: ICPS1
