Nagpadayon ang Municipal Operation Office sa lungsod sa Sawata, Davao del Norte sa pag-apil sa pagsaulog sa ika-29 nga Indigenous Peoples’ Month, isip pagpasidungog sa dato nga kultura, tradisyon ug identidad sa mga Lumad o Indigenous Peoples.
Pinaagi niini nga selebrasyon, gipasiugda ang kamahinungdanon sa pagpanalipod sa mga katungod sa mga Lumad, pagpreserbar sa ilang kultural nga kabilin ug pag-ila sa ilang dakong kontribusyon sa komunidad ug sa katilingban.
Giawhag usab ang tanan nga padayon nga magpakita og pagtahod, pagdawat ug suporta ngadto kanila, ilabina sa pagpanalipod sa ilang kultura, katungod ug yutang kabilin. Tumong niini nga mapalig-on ang ilang kahimtang ug masiguro nga ang ilang mga katungod ug tradisyon tahoron ug panalipdan alang sa umaabot nga mga henerasyon.
Photo Courtesy: Sawata Workforce
