Nagkahiusa ang Bureau of Jail Management and Penology o BJMP-SDN District Jail ug ang Juander Radyo Surigao sa pagpalig-on sa kooperasyon tali sa ahensiya ug sa MEDIA, ilabina sa pagpakaylap sa mga kalihukan ug programa nga makatabang sa mga Person Deprived of Liberty o PDL.
Matud ni District Jail Warden, JSINSP. Vincent Jomini Q. Orcullo, dako ang iyang pasalamat sa Juander Radyo Surigao isip media partner sa BJMP, nga motabang sa pagsabwag sa impormasyon kabahin sa ilang mga programa ug kalihukan nga mapahimuslan sa mga PDL.
Pinaagi niini nga panag-uban, gilauman nga mas daghang katawhan ang mahibalo sa mga programa sa BJMP, ilabina sa mga kalihukan nga nagtumong sa kaayohan, pagpalambo sa mga kahanas ug pag-andam sa mga PDL alang sa ilang pagbalik sa komunidad.
Sa maong panang tagbu, gipangunahan usab ni Station Manager KaJuander Rolando Dungog, ang News Team, kauban sila Program Director KaJuander Carl Sniper Yonson, ug KaJuander Joel The Transporter Barahan.
Gipasiugda usab niini ang mahinungdanong papel sa media isip kaabag sa pagpaabot sa impormasyon ug paghatag og kahibalo sa publiko kabahin sa mga programa sa gobyerno.
