Miapil ang mga personnel sa Davao del Norte Provincial Explosive Ordnance Disposal (EOD) and Canine Unit sa Squad Weekly Interactive and Moral Recovery Program isip kabahin sa pagpalig-on sa moralidad ug kaayohan sa mga sakop sa Philippine National Police (PNP).
Gipangulohan ang grupo ni PCPT Joel P. Mancia, Team Leader, ubos sa pagdumala ni PMAJ Michael M. Binwag, OIC sa RECU 11. Gipahigayon ang kalihokan pinaagi sa paggiya ni Pastor Rodrigo Balicuat, kinsa mipakigbahin og mensahe nga nag-ulohang “The Lifestyle of Integrity (Makadiyos).”
Gibase ang iyang paghisgot sa mga pagtulon-an sa Bibliya nga makita sa Proverbs 11:3 ug Matthew 6:33. Tumong sa maong programa nga mapalig-on ang espirituwal nga kahimtang, maayong pamatasan, disiplina ug integridad sa mga personnel, lakip na ang pag-una sa Ginoo ug pagpakita sa pagkamatinud-anon ug pagkamay-tulubagon sa pagtuman sa ilang mga katungdanan. Ang kalihokan kabahin sa PNP Focused Agenda ilawom sa Morale and Welfare.
Photo Courtesy: PECU DAVAO DEL NORTE
