Miduyog ang mga personahe sa Fertilizer and Pesticide Authority (FPA) sa Davao Region isip resource person sa Philippine Good Agricultural Practices (PhilGAP) Specialized Training on Coconut nga gipahigayon sa Anflo Industrial Estates sa Panabo City, Davao del Norte, diin mokabat sa kapin sa 17 ka partisipante ang mitambong sa maong pagbansay.
Gihisgotan sa FPA ang hustong paggamit sa abono ug pestisidyo, lakip ang mga matang niini, pamaagi sa paglihok, panahon sa paghulat sa dili pa anihon ang tanom, ug gitugot nga limitasyon sa nahibiling kemikal sa produkto.
Gitudlo usab ang hustong paghugas sa mga sudlanan sa pestisidyo, luwas nga paglabay niini, ug unang tabang kon adunay mahilo. Pinaagi sa maong pagbansay, gipasiugda sa FPA ang responsable ug luwas nga paggamit sa mga produkto sa agrikultura aron masiguro ang kaluwasan sa mga mag-uuma ug makagama og dekalidad nga produkto sa lubi.
Photo Courtesy: FPA
