Nakabaton sang pagkilala ang Talakudong Festival 2025 sang Tacurong City matapos magkuha sang 2nd Runner-Up sa kategorya nga Best Tourism Event – Cultural Festival para sa Component City Level sa ATOP Pearl Awards 2026.
Ginhiwat ang awarding ceremony sang Oktubre 21, 2026 sa Ormoc City, Leyte. Gindayaw ang festival bangod sa pagpakita sang kultura, tradisyon kag identidad sang mga Tacurongnon.
Ginpasalamatan ang pagpanguna ni City Mayor Lina O. Montilla, PhD, ang City Tourism Office nga ginpangunahan ni Emelie Jamorabon, kag ang Local Tourism Council, kaupod ang nagkalain-lain nga stakeholder nga nagbinuliganay sa pagpatigayon sang selebrasyon.
Ang pagkilala nagapakita sang padayon nga pagtinguha sang Tacurong City nga mapauswag ang turismo kag mapabilin nga buhi ang lokal nga kultura kag palanublion.
