Gipahigayon sa Kapalong College of Agriculture, Sciences and Technology (KCAST) ang regular nga tigom sa Board of Trustees (BOT) niadtong Oktubre 21, 2026, nga gipangulohan ni KCAST BOT Chairperson ug Kapalong Mayor Edgardo L. Timbol.
Gihisgutan sa tigom ang gisugyot nga budget sa kolehiyo alang sa 2027 ug ang pagpalig-on sa pagdumala sa pondo, lakip ang pag-awhag sa mga estudyante nga motuman sa ilang mga obligasyon matag semestre.
Giplano usab ang pagpahapsay sa proseso sa entrance examination sugod Enero 2027 aron mapadali ang pagdawat sa mga aplikanteng estudyante.
Lakip sa mga hisgutanan ang 20 milyones pesos nga pondo alang sa bag-ong classroom building ubos sa National Expenditure Program 2027, pinaagi ni Congressman Oyo Uy, aron madugangan ang mga pasilidad ug mapalambo ang kalidad sa edukasyon sa KCAST.
Photo Courtesy: Kapalong InfoCenter
