Nagtinabangay ang Department of Agriculture (DA) ug ang Abante Agri-Products Philippines Inc., nga nakabase sa Davao City, sa pagpadala og duha ka container nga adunay sulod nga buko kon butong sa lubi ngadto sa Liberia, usa ka nasud sa Africa. Gilauman nga kini nga inisyatiba makatabang sa pag-abli sa bag-ong merkado sa gawas sa nasud alang sa mga produktong agrikultural sa Pilipinas.
Mikabat sa 32,000 ka piraso sa preskong buko ang gipadala ngadto sa Liberia diin kabahin kini sa usa ka inisyatiba nga nagtumong sa paghatag og tabang ug pagpalapad sa merkado sa produktong lubi sa Pilipinas.
Samtang gilauman nga ang maong pagpadala maghatag og bag-ong oportunidad sa mga mag-uuma sa lubi ug sa lokal nga industriya niini pinaagi sa pagpalapad sa eksport. Posible usab kini nga mahimong sinugdanan sa dugang pagbaligya sa mga produktong agrikultural sa Pilipinas ngadto sa ubang nasud.
Photo Courtesy: DA-11
