Nagpresyo og P6.60 matag bahin ang operator sa GCash Mynt, sa ilang initial public offering (IPO), nga 34 porsyento nga mas ubos kumpara sa naunang P10 nga maximum offer price. Gikumpirma sa kompanya ang final offer price niadtong Oktubre 1, pinaagi sa pahibalo ngadto sa Securities and Exchange Commission ug Philippine Stock Exchange.
Matod sa chief equity strategist sa COL Financial nga si April Lynn Tan, dili automatic pasabot nga warning sign sa kompanya ang mas ubos nga offer price. Iyang gipasabot nga tungod sa kahimtang sa merkado, mahimong ipaubos ang presyo aron mahimong mas magdasig sa mga mamuhunan ug makatabang sa kompanya sa pagkuha og kapital.
Giawhag usab niya ang mga kapitalista dili lamang motan-aw sa presyo sa IPO, kundili susihon usab ang financial performance sa Mynt, ilabina ang padayon nga performance sa ganansya. Samtang, ang GCash adunay 41.5 milyon nga monthly active users, 7.5 milyon nga active borrowers, 17.9 milyon nga savings accounts, 9.2 milyon nga investment fund accounts ug hapit 2 milyon nga local stock market accounts.
Photo courtesy: Media meter
