Nakabaton sang apat ka major nga pagkilala ang Isulan Municipal Police Station ukon Isulan MPS sa Red Orchid Award 2026, bilang pagkilala sa ila padayon nga commitment sa public health, disiplina kag maayo nga pagdumala.
Lakip sa mga pagkilala ang pagiging Second-Term Red Orchid Awardee, pagkab-ot sang pinakamataas nga rating nga 102.5 porsyento, kag pagkuha sang ikatatlo nga pwesto para sa Highest Rating sa bug-os nga rehiyon.
Ginpahayag nga ang mga awards resulta sang pagbinuligay, pagpanikasog kag dedikasyon sang mga opisyal kag personnel sang Isulan MPS.
Ang pagkilala ginakabig nga inspirasyon para sa istasyon nga padayon nga maghatag sang maayo nga serbisyo publiko kag magpangabudlay para sa seguridad, kalinong kag kalamboan sang Isulan.
Photo courtesy:Isulan Municipal Police Station
